Истанбул I Велигден 2019

Истанбул

Име на сместување
Држава
Дестинација

ВЕЛИГДЕН ВО ИСТАНБУЛ

26.04.2019 - 30.04.2019

(5 ДЕНА / 2 НОЌЕВАЊА)

ПРОГРАМА

1 ден (26.04.2019 - петок) | Скопје - Струмица - Грција      

Состанок со групата во Скопје. Поаѓање за Истанбул. Ноќно патување преку Грција со попатни паузи за одмор и царински формалности.

2 ден (27.04.2019 - сабота) | Истанбул (Панорамски разглед, Крстарење по Босфор, Египетски пазар) 

Пристигнување во Истанбул во утринските часови. Факултативен панорамски разглед на европскиот и азискиот дел на Истанбул: Римскиот Аквадукт, Златниот Рог, Таксим, Галата Кула, Бешикташ, Ортакој. Пауза на азискиот дел на местото Чамлиџа (Camlica Hill) каде ќе ужувате во панорамскиот поглед на европскиот и азискиот дел на Истанбул, во комбинација со турско кафе или чај или пак традиционалното благо Ашуре (познато како благото на Дедо Ное). Сместување во хотел. Крстарење по Босфор со панорамски разглед на мостовите, кои го поврзуваат Европскиот и азискиот дел на Истанбул, во времетраење од 1.5 до 2 часа. Посета на Египетскиот пазар и можност за шопинг. Индивидуално враќање во хотел. Во вечерните часови можност за посета на Цариградската патријаршија каде ќе бидете присутни на прославата за Христовото раѓање. Ноќевање.

3 ден (28.04.2019 - недела) | Истанбул (Сина Џамија, Аја Софија, Топ Капи, Вечера на брод)

Појадок во хотел. По појадокот е предвиден пешачки разглед со локален водич и посета на Сината џамија (бесплатен влез – доколку е отворена за посетители), Аја Софија (факултативно - со доплата), Посета на Топ Капи палатата (факултативно – со доплата) - музеј со непроценлива колекција на споменици и уметнички дела, чиј изглед датира уште од времето на Сулејман Величествениот. Враќање во хотел. Во вечерните часови факултативна вечера на брод (вечера и ноќно крстарење по Босфор). Враќање назад во хотел со организиран трансфер. Ноќевање.

4 ден (29.04.2019 – понеделник ) | Истанбул (Долмабахче, Трговски центар Сафир Сеир Тераси)     

Појадок во хотел. Одјавување од хотел. Факултативна посета на Долма Бахче Сарај - последната палата на Отоманските Султани, која содржи музејска збирка со непроценливо богатство (факултативно – со доплата). Посета на минијатурен парк - Miniaturk (факултативно – со доплата, на површина од 60000 м2, кој воедно претставува најголем минијатурен парк во светот. Паркот содржи 122 минијатурни скуплтури од кои 58 од градот Истанбул, 52 од Анадолија и 12 од Отоманскиот период надвор од границите на Турција, со размер од 1:25. Заминување кон највисоката зграда во Европа (236 m) - Sapphire Seyir Terasi, каде ќе уживате во панорамскиот поглед на Истанбул од врвот на истата, како и можност за четиридимензионалното небесно возење со хелихоптер (факултативно со доплата) над градот при што би ги посетиле најзначајните знаменитости: Галата Кула, Златниот Рог, Сината Џамија, Аја Софија, Топ Капи, Девојачката Кула.. Во договорено време (доцни попладневни часови) тргнување кон Македонија. Ноќно возење преку Грција.

5 ден (30.04.2019 - вторник) | Струмица - Скопје

Пристигнување во Македонија во раните утрински часови (Струмица / Скопје). 

 ПРОМОТИВНА ЦЕНА НА АРАНЖМАНОТ - 98 € (6.076мкд)

РЕДОВНА ЦЕНА НА АРАНЖМАНОТ 118 € (7.316 мкд)

Во цената на аранжманот е вклучено:

  • Превоз со туристички автобус на наведената релација;
  • Сместување во двокреветни соби во хотел 3* во Истанбул на база на 2 ноќевање со појадок;
  • Професионален туристички придружник од агенцијата;
  • Организација и реализација на програмата;

Во цената на аранжманот не е вклучено:

  • Панорамски разглед на Истанбул - Европски и Азиски дел со локален водич и автобус -18 €;
  • Крстарење по Босфор -20€;
  • Вечера на брод - ноќно крстарење по Босфор (предјадење, главно јадење, неограничени пијалоци, шоу) - 50 € (минимум 20 лица);
  • Посета на Аја Софија (влезница + слушалки + локален водич) - 18 €;
  • Посета на Топ Капи (влезница + локален водич) - 15 €;
  • Посета Долма Бахче Сарај - (трансфер + влезница + локален водич) - 30 €;
  • Посета на Минијатурниот парк – Miniaturk Istanbul (трансфер +влезница + локален водич) - 10€;
  • Посета на Saphire Seyir Terasi - (влезница за 4D + локален водич + превоз со автобус) - 20 €;
  • Патничко осигурување;

ПАКЕТ ФАКУЛТАТИВИ ЗА УПЛАТА ВО АГЕНЦИЈА - 117 € (во цената не е вклучена вечера на брод);

Цени на факултативи за уплата на лице место: 

  • Панорамски разглед на Истанбул - Европски и Азиски дел со локален водич и автобус - 20 €;
  • Крстарење по Босфор -25€;
  • Вечера на брод - ноќно крстарење по Босфор (предјадење, главно јадење, неограничени пијалоци, шоу) - 60 €;
  • Посета на Аја Софија (влезница + слушалки + локален водич) - 23 €;
  • Посета на Топ Капи (влезница + локален водич) - 20 €;
  • Посета Долма Бахче Сарај - (трансфер + влезница + локален водич) - 35 €;
  • Посета на Минијатурниот парк – Miniaturk Istanbul (трансфер +влезница + локален водич) - 15 €;
  • Посета на Saphire Seyir Terasi - (влезница за 4D + локален водич + превоз со автобус) - 25 €;

Општи напомени:

  • Организатор на аранжманот е Т.А. АтлантиС;
  • Резервација се прави со уплата на 30% од вкупнот износ на аранжманот;
  • Целосна уплата на аранжманот е 15 дена пред почетокот на истиот;
  • Цените на аранжманот се дадени во евра за уплата во денарска противвредност по курс 1 евро = 62 мкд;
  • За реализација на аранжманот се потребни минимум пријавени 45 патника;
  • За ова патување мора да имате пасош кој има важност од минимум 90 дена по завршувањето на аранжманот,
  • Организаторот го задржува правото да ја промени цената на аранжманот во случај на промена на цената на превозот или хотелот;
  • Во случај на недоволен број на пријавени патници организаторот го задржува правото да го откаже во целост аранжманот 5 дена пред датумот на започнување на истиот;
  • Организаторот го задржува правото за промена на цените на факултативните излети, во случај на промена на цената на влезниците на локалитетите и музеите;
  • За време на разгледите на градовите наведени во програмата не се предвидени посети на внатрешноста на јавните згради, институции или културни споменици, освен ако тоа не е посебно нагласено во програмата;
  • Организаторот го задржува правото за промена на редоследот на реализација на програмата;
  • Организаторот на патувањето го задржува правото за промена на програмата за патување во случај на непредвидени објективни причини, како на пример: застој на граница, доцнење на летот, застој во сообраќајот, затвореност на некој од локалитетите предвиден за посета и слично.

За оваа програма важат општите услови за патување на СКТМ и Т.А.АтлантиС

ОПИС НА ФАКУЛТАТИВИ / ИСТАНБУЛ

  • Аја Софија http://www.hagiasophia.com/
    Аја Софија се преведува и како Црква на Светата мудрост и се смета за најубав пример на византиската уметност. Црквата е градена за време на Византискиот цар Јустинјан и нејзината купола е висока 56 метри и изгледа како да лебди, со што го претставува небото. Била најголема катедрала во светот скоро 1000 години се додека не е изградена катедралата во Севили. По освојувањето на градот од Мехмед Освојувачот, тој бил толку имресиониран од цркавата па ја претвара во џамија и останува така се додека не е повторно претворена во Музеј. Аја Софија остана најголема верска зграда во Истанбул, и иако секој моќен султан се обидел да ја претвори во џамија, никој не успеал во тоа бидејќи ја нагласува величественоста на црквата каде што се нагласени прекрасните визанстиски мозаици. Музејот денес е една од најголемите атракции за туристите во Истанбул и препорачливо е посетата на истиот да почне рано изутрина бидејќи во текот на денот после 10 часот почнуваат долгите редици од туристи.
  •  
  • Топ Капи - http://www.topkapisarayi.gov.tr/
    При главниот влез на Топ Капи Палатата, од десната страна се наоѓа црквата Света Ирина, единствена христијанска црква во Истанбул која никогаш не е претворена во џамија. Ова палата е прва на многуте листи на знаменитости во Истанбул, тоа е палата во која турските султани кои со векови живееле, вистински град во град. Комплексот е огромен, гужвите се големи за влез во ризницата каде што се наоѓаат светите мошти на Исламот (Мухамедовиот заб) и Христијанството (раката на Св. Јован Крстител), тука се изложени колекцијата на часовници на султанот, приборите за јадење и доста подароци  меѓу кои се наоѓа и најголемиот дијамант на светот. Во палатата се чувствува автентичниот дух на Османлиската Империја. Редицата за билети е прилично долга, но има многу билетарници, и кога е групно организирано, редицата оди многу бргу. Работно време: 9:00 - 17:00 часот.
  •  
  • Долма Бахче Сарај - http://www.dolmabahcepalace.com/
    Долма Бахче Палатата е отворена секој ден освен Понеделник и Четврток од 09:00 - 17:00 часот. Палатата е градена во европски стил и ја заменува старата Топкапи Палата во средина на 19 - ти век. Се во палатата зрачи со лукскуз поради исклучително вредни и скапи збирки на непроценливо богатство. Палатата е поделена на два дела, Селамлик - дел за мажите и Харем - делот за жените. Во харемот се просториите во кои живеел и умрел таткото на турската нација Кемал Ататурк. Долма Бахче Палатата е изградена во 19 - тиот век и е една од најгламурозните палати во светот. Таа била административен центар на крајот од Отоманската Империја со последниот Султан кој живеел таму. Палатата располага со непроценливо богатство.
  •  
  • Крстарење по Босфор - http://www.bosphorustour.com/Bosphorus-cruise.html
    Престојот во Истанбул не би бил комплетен без традиционалното и незаборавно крстарење по Босфорот, теснецот кој ги дели Азија и Европа. Бреговите од двете страни претставуваат мешавина од минатото и сегашноста, од модерни раскошни хотели, палати до приватни куќи. За време на патувањето се поминува покрај прекрасната Долма Бахче Палата, зелените паркови и царските паваљони на Јилдиз Палатата, Белербеј Палатата која се наоѓа покрај самиот мост од Азиската страна, под двата моста кои го дели Истанбул на Азиски и Европски дел. Прекрасна панорамска прошетка низ Истанбул.
  •  
  • Сафир Сеир Тераси - http://www.istanbulsapphire.com 
    Сафир Сеир Тераси е највисоката зграда во Европа од 236 метри. Првите два спрата нагоре и околу 4 спрата надоле е шопинг центар каде што можете да најдете повеќе познати бреднови (H&M, Cotton, LC Waikikи). На врвот од зградата се наоѓа тераса со панорамски поглед на Истанбул, каде што во мала кино сала се овозможува 4Д проекција, симулација на надлетување на Истанбул со хелихоптер и можност и шанси да се почувствува сјајот на Борфорот, шармот на Момината кула, или позната како Мејден Кула, магичната Аја Софија, тајната на Топ капи Палатата, Брилијатната Султанахмет џамија (Сината џамија), застрашувачката природа на базиликата, цистерната, страшниот вртлог, дервишите, убавините на модерниот дел од Истанбул, плоштадот Таксим, Истаклал Улицата. Сето ова можете да го доживеете во четвртата димезија во Сафир Сеир Тераси.
  •  
  • Сината џамија - http://www.bluemosque.co/
    Султанахмет Џамијата е историска џамија во Истанбул, која исто така е наречена и Сината џамија поради сините плочки околу ѕидовите и внатрешниот дизајн на џамијата. Покрај се, уште е активна како џамија, така што за туристите е затворена по 5 пати дневно половина час за време на молитвите и е доста популарна туристичка атракција.
  •  
  • Капали Чаршија - http://www.kapalicarsi.org.tr/index.php
    Капали Чаршија во Истанбул е еден од најголемите и најстарите затворени пазари во светот со 61 покриени улици и над 3000 продавници коишто привлекуваат од 25.000 до 40.0000 туристи дневно. Цените во Капали Чаршија се високи и препорачливо е да се влезе и да се види како значаен локалитет во Истанбул.

Сезони



Награди и признанија


1. Најуспешна туристичка агенција во Македонија од Министерството за Економија, Аутгоинг туристичка агенција,Македонија, 2017 год.
2. Најуспешна туристичка агенција во Македонија од Министерството за Економија, Аутгоинг туристичка агенција,Македонија, 2016 год.
3. Најуспешна туристичка агенција во Македонија од Министерството за Економија, Македонија, 2015 год.
4. Топ 100 ВИП локации во Источна Европа од Western Union, 2015 год.

5. Награда за 20 години постоење и значителен придонес во туризмот од Општина Струмица, 2015 год.
6. Благодарност и најдобро партнерство во Република Македонија доделен од страна на Turkish Airlines,2014 год.
7. Најуспешна туристичка агенција во Македонија од Министерството за Економија, Македонија,2012 год.
8. Изворедна поддршка и посебна соработка со Turkish Airlines, 2012 год.
9. Награда за најуспешна агенција за продажба доделена од страна на Qatar Airways,2018 год.



Let's socialize




© 2015
All Rights Reserved


Тури



Корисничка поддршка
+389 2 3 22 99 22
marketing@atlantis.com.mk